Vitenskapsselskapet har alltid vore eit lukka selskap av innvalde medlemmar som måtte bli føreslått, vurdert og akseptert. Selskapet har likevel alltid hatt opne medlemsmøte, samt gjort innsats på fleire område for å spreia kunnskap og støtta vitskapleg arbeid, som forsking, studereiser og utgjeving av avhandlingar. I dag organiserer også selskapet seminarrekkja Byen, bygdene og kunnskapen, som er eit populært innslag blant mange kunnskapsinteresserte i Trondheim og omegn. Ein vesentleg del av den utoverretta verksemda tidlegare, var høve til å nytta boksamlinga og til å sjå gjenstandssamlinga. Denne var eit resultat av og grunnlag for vidare vitskapleg aktivitet knytt til oldsaker (arkeologi) og naturhistorie (botanikk og zoologi). Seinare vart desse til bibliotek, og til museum som vart vidareutvikla som vitskapleg institusjon. I tillegg til prisutdeling til forskarar, fekk også Vitenskapsselskapet rolle som landhushaldsselskap som på vegne av Kongen av Danmark-Noreg delte ut premiar for modernisering av landbruket og for kulturell utvikling.

Byen, bygdene og kunnskapen administrert av Bjørn Sæther, spreier kunnskap og skipar til seminar for einkvar smak, noko ein kan sjå av Kunnskapskalenderen

Tekst: Unn Kristin Daling